Euskal erakundeen arteko lankidetza publiko-pribatuaren ondorioz, EKIENEAk, Armiñonen (Araba) kokatuta dagoenak, 70 milioi euro inguruko inbertsioa beharko du eta 162.000 lagunentzako energia garbia sortuko du, Arabako biztanleriaren ia erdia.

KREAN P & S enpresaren taldeak garatutako proiektua Armiñongo (Araba) Lacorzana lursailean dago, eta haren sustapenean IBERDROLAk eta Energiaren Euskal Erakundeak parte hartzen dute.

100 megawatteko (MW) potentzia instalatuta eta 70 milioi euro inguruko inbertsioarekin, instalazio berriztagarri handi horrek energia garbia sortuko du 162.000 pertsona ingururen urteko kontsumoa asetzeko, Arabako biztanleriaren % 48 baino gehiago, eta ia hirukoiztu egingo du Euskadik gaur egun eguzki energia sortzeko duen gaitasuna, 60 MW ingurukoa. Gainera, bere ekoizpenarekin urtean 25.000 tona CO2 atmosferara isurtzea saihestuko da.

EKIENEA 200 hektareatan zehar hedatuko da. Hektarea horietatik 100 instalazio fotovoltaikoak hartuko ditu, eta gainerako 100ak, berriz, ingurumena konpentsatzeko eta baso-eremuak zaintzeko lursailak.

Era berean, energia berriztagarriko instalazio berri hau aukera handia izango da proiektuaren bultzatzaile izango diren euskal enpresen soluzio teknologikoak proiektatzeko.