Energia

Energia funtsezko baliabidea da gure bizitzan; izan ere, eguneroko edozein jarduera egiteko beharrezkoa dugu, eta jarduera ekonomiko oro haren kontsumoari lotuta dago. Baina energiaren sektorea (sorkuntza eta garraioa) da, gaur egun, berotegi-efektuko gasen isurketen erantzule nagusietako bat. Gero eta kezka handiagoa dago klima-aldaketak gure planetan dituen ondorio kaltegarriei buruz, eta horrek energia-eredu iraunkorragoak bilatzera bultzatzen gaitu, inpaktu horiek murrizten lagunduko dutenak.

Gure bezeroei ingurunea gero eta gehiago errespetatzen duten eredu energetikoetarantz pausoa ematen laguntzea da gure konpromisoa, horretarako funtsezko faktoreak kontuan hartuta, hala nola lehiakortasuna, deskarbonizazioa eta hornidura-bermea.

KREANen esperientzia zabala dugu energia berriztagarrien (fotovoltaikoa, eolikoa, minihidraulikoa) eta balorizazio energetikoaren arloan soluzioak eskaintzen, eta erronka berrietan parte hartzen dugu, hala nola deskarbonizazioaren bidean hidrogenoaren erabileran.

KREANek bezero bakoitzaren beharretara egokitzen den zerbitzu integrala eskaintzen du, proiektuaren fase guztiak hartzen baititu, bideragarritasunaren azterketatik hasi eta eraikuntzaraino. Esperientzia dugu proiektu handietan, etapa guztiak gidatzen, errealitate bihurtu arte: proiektuaren egituraketa eta sustapena, alternatiben azterketa, baimenen, lizentzien eta laguntzen kudeaketa, ingeniaritza eta diseinua, kontratazioen kudeaketa eta ekipoen eta zerbitzuen erosketak, obren ikuskapena eta zuzendaritza, eta abian jartzea. Giltzak eskura modalitateko proiektuak ere eraikitzen ditugu.