MONDRAGON Hospitalityk, hotelen eta sektore soziosanitarioen sektoreei zerbitzuak emateko MONDRAGON Korporazioko enpresen klusterrak, joan den irailaren 28an egin zuen talde honek Palman antolatutako hotel-hornitzaileen lehen azoka. Gainera, MONDRAGON Hospitalityk Palman duen bulego berria inauguratu zen. Bulego hori taldeko enpresen operazio-zentroa izango da, eta showroom gisa erabiliko da ekipamendua erakusteko, proiektuen bulego teknikoa egiteko eta ekitaldiak eta hitzaldiak antolatzeko gunea izateko.
Jardunaldian bilerak egin ziren kooperatiba bakoitzaren eta hotel-kateetako proiektu- eta erosketa-sailen artean. Gainera, bi mahai-inguru antolatu ziren. Ana Belen de Isla gure lankideak moderatu zuen "Jasangarritasun eta Eraginkortasun Energetikoa Hotelen sektorean" izeneko mahaia. Mahai horretan Sandra Benbeniste, Destination Stewardship IBEROSTAReko Zuzendaria, eta Marco Ruiz, MAR Hotels-eko Erosketa Zuzendaria izan ziren. Biek ala biek adierazi zuten balio-kate osoaren lankidetza beharrezkoa zela, bakoitzak bere katearen karbono-aztarna murrizteko konpromisoak lortzeko. Gainera, jasangarritasun-proiektuak balioetsi zituzten: Change the wave, IBEROSTARen ekimena itsas hondoak babesteko eta 2025ean emisio eta hondakinetan enpresa neutroa izatea lortzeko, eta MarChange, Mar Hotelsen garapen jasangarriko programa.
Bigarren mahai-inguruan Balearretako BARCELÓko zuzendari Cristina de Andresek eta higiezinen sustatzaile eta inbertitzaile Stephan Bauerrek parte hartu zuten. Iñaki Peña Laboral Kutxako banku-enpresako zuzendariak moderatu zuen, sektoreak kalitatea hobetzearen alde egindako apustua eta harekin lotutako inbertsioak aztertuz. Ekitaldia MONDRAGON taldeko lehendakariorde Iker Alberdik itxi zuen, esanez "Palmara etorri garela hotel kateetako bazkide eta aliatu izateko bere proiektu eta erronka berrietan".
MONDRAGON HOSPITALITY osatzen duten enpresak honako hauek dira: ENEA (diseinu-altzariak), ERREKA (ateak eta sarbide automatikoak), GERODAN (altzarien proiektu integralak), KREAN (arkitektura eta ingeniaritza, kudeaketa integratua eta proiektuen egituraketa), FAGOR ELECTRÓNICA (telebista interaktiboko eta multimediako sistemak), LABORAL KUTXA (proiektuen eta aseguruen finantzaketa), ONDOAN (instalazioen ingeniaritza, mantentze-lanak, CAI eta energia), eta ONNERA CONTRACT (sukalde profesionalen, buffeten eta garbitegiaren proiektuak).
