KREANek Markaren Enbaxadoreen programa aurkeztu zuen joan den martxoaren 28an Donostiako Kursaalen egindako MONDRAGON Pertsonen XV. Foroan. 60 kooperatibatako 200 pertsona inguruk parte hartu zuten.
Nieves Barahonak, KREANeko Kudeaketa Sozialeko zuzendariak, aurkeztu zuen proiektua urte bat bete duenean. Balioa eman zien talde-lanari, Pertsonen eta Marketinaren arloen arteko lankidetzari, barne-talentuaren inplikazioari, funtsezko targetetan posizionatzeari eta KREANek Pertsonentzat duen balio-proposamenaren diseinuari, proiektuan parte hartzen duten pertsona guztiek partekatu dutena hain zuzen, #imajinatuKREANen hashtagean laburbildu dena.
Ekimenak talentua erakartzeko eta atxikitzeko helburu estrategikoei erantzuten die, eta markaren proiekzioa humanizatzea du helburu, haren atzean dauden pertsonak inplikatuz eta ikusaraziz. Pertsona horietako bi, Jesús Medina, Madrilgo bulegoan arkitektoa, eta Iñigo Retegui, Bilboko bulegoan arkitekto teknikoa, Barahonarekin batera joan ziren, proiektuan izandako esperientzia pertsonala azalduz eta enpresaren ikuspegitik zein beraien ikuspegitik proiektuan izandako parte-hartzeari balioa emanez. Proiektuan egindako lanaren adibideak partekatu zituzten: masterclass desberdinak ematea, KREANen obretara ikasleen bisitak zuzentzea, edo Linkedinen edukiak sortzea.
KREANez gain, esperientziak aurkeztu zituzten PLD Spacek, aniztasuna "giza ikuspegi" batekin kudeatzeko programari buruz, eta Soraluce, Aireratu proiektua aurkeztu zuena, erakundeko pertsonak zaintzeari eta garatzeari begira.
Ekitaldia Iban Garatek aurkeztu eta gidatu zuen, eta MONDRAGONeko presidente Pello Rodriguezek eta Kudeaketa Sozialeko zuzendari Zigor Ezpeletak parte hartu zuten. Horiek urteroko topaketa horien indarraldia aldarrikatu zuten eta talde kooperatiboko kudeaketa sozialaren bektore garrantzitsuenetarantz bideratu zituzten entzuleak. Gobernantzari, nortasun kooperatiboari, kulturaren kudeaketari, antolaketaren ongizateari, barne-komunikazioari, ikaskuntzaren kulturari, garapen profesionalari, talentua erakartzeari, aniztasunari edo digitalizazioari buruzko gaiak jorratu ziren. Inklusioa, aniztasuna, berdintasuna, reskillinga, integrazioa, enpatia, garapen profesionala, ekosistema edo talentu-programak ere aipatu ziren.
Fagor Ederlan, MONDRAGON Componentes, Huhezi, M. Assembly, Laboral Kutxa, Eroski eta LagunAro kooperatibek, besteak beste, beren esperientziak partekatu zituzten, beste kooperatiba batzuek beren erakundeetan ezar zitezkeen ideiak jaso zitzaten.
Aitor Urquijok, Gestikerreko Analisi eta Proiektuen zuzendariak, hitzaldiei hasiera eman zien, belaunaldien eta kulturen arteko ulermenaren beharra azalduz, giza-kudeaketa on baterako, eta Eva Colladok, Eraldaketa Digitalean, Talentuaren Kudeaketan eta Kapitalean adituak, hitzaldia eman zuen "garai berrietarako ikuspegi berriei" buruz hitz egiteko, digitalizazioa aipatuz, eta bere azalpena amaitzeko marka enplegatzailearen branding-aren eta markaren enbaxadoreen defentsa egin zuen, eta goranzko atributuak aipatu zituen, hala nola "enpresen konfiantza eta sinesgarritasuna".
