200 herrialde eta lurralde baino gehiagotan dago, eta munduko liderra da elikaduraren eta edarien sektorean. PepsiCo etengabe ari da lanean kontsumitzaileei kalitatezko elikagaiak eta edariak eramateko. Zurrupada eta mokadu bakoitzean irribarreak sortzea du helburu, gustu eta bizimodu desberdinak asetzeko aukerak eskainiz, eta eragiketa guztietan ingurumenaren iraunkortasuna hobetzen ahaleginduz.

KREANek 20 urte baino gehiago daramatza PepsiCorekin lankidetza estuan, konpainiari bere hazkuntzan eta etengabeko hobekuntzan lagunduz. Bi hamarkada hauetan, KREANek taldeko hainbat lantegitan lan egin du, batez ere Echavarri Viñakoan, eta proiektu dibertsifikatu ugari garatu ditu, hainbat arlotan erronka konplexuei aurre egiteko gaitasuna erakusten dutenak.

KREANek garatutako proiektu-sorta oso zabala da. Prozesu- eta logistika-eraikin berriak eraiki ditu, instalazioaren behar espezifikoetara egokituta eta espazioaren erabilera optimizatuta, eraginkortasun operatiboa hobetzeko. Gainera, prozesu-lerro berrien birmoldaketa eta ezarpen garrantzitsuak egin dira, instalazioak modernizatzen eta ekoizpen-ahalmena handitzen lagunduz, une bakoitzeko lanak geratu gabe. Hobekuntza energetikoa funtsezko beste zutabe bat izan da Echavarriko KREANen proiektuetan.

PEPSICOn, proiektu bakoitza pertsonen segurtasuna eta prozesuaren osotasuna zorrotz kontrolatuta gauzatu da, hobekuntzak modu eraginkorrean eta langileentzako eta azken produktuarentzako arriskurik gabe egingo direla bermatuz.

KREANek eta PepsiCok elkarren artean duten konfiantzaren eta proiektu bakoitzean bikaintasunarekin eta iraunkortasunarekin duten konpromiso partekatuaren erakusgarri da denbora horretan guztian elkarrekin egindako lana.